| چشمِ یاراں میں چھپا رازِ کہن افشاں تو ہو |
| اک نظر میں وہ اگر دیکھے تو دل قرباں تو ہو |
| سنگ دل کتنا سہے گا ہجر کی مجبوریاں |
| سامنے آ جائے وہ پورا کبھی ارماں تو ہو |
| تیری خاطر ترک جب سب کچھ کیا سوچا تھا یہ |
| تیری فرقت ہی عبادت کا ذرا ساماں تو ہو |
| دل ترا تسلیم کی منزل میں ٹھہرا لے کہیں |
| خاکِ درگاہِ محبّت قبلۂ پنہاں تو ہو |
| نام تیرا لے کے نکلے جان بھی جاتے ہوئے |
| عشق ایسا ہو کسی کے درد کا درماں تو ہو |
| اک تبسُّم تیری زلفوں کی گھٹا کی اور سے |
| اک نظر پڑ جائے تیری رحمتِ باراں تو ہو |
| میں تو فانی تھا مجھے تجھ میں فنا ہونا ہی تھا |
| تیری جانب سے مگر اب رشتۂ یاراں تو ہو |
| پھر کہو گے دشت سے آتی ہے مجنوں کی صدا |
| سائبانِ زلفِ لیلٰی بھی ذرا حیراں تو ہو |
| کون سنتا ہے فقیرانہ تمنّا کی ندا |
| تُو اگر سن لے تو شکوہ تجھ سے کچھ آساں تو ہو |
| زندگی بیتی تصور میں ہے طارق وصل کے |
| رائیگاں ہو گی نہیں پر وسعتِ داماں تو ہو |
معلومات