| بے مثل بے نظیر شہادت حسین کی |
| خون رسول پاک ہے طینت حسین کی |
| دیکھو حسین راکب دوش رسول ہے |
| آقا کی بار گاہ میں یہ عزت حسین کی |
| جن کی غذا لعاب زبان رسول ہے |
| نوری غذا ہے نور ہی عترت حسین کی |
| سورج بھی آنکھ کھولے نہ آنچل کودیکھ کر |
| تطہیر کی ہے آیت اصالت حسین کی |
| مومن ہے جو حسین کی الفت میں ہی مرا |
| ایمان پر دلیل ہے الفت حسین کی |
| ظالم یذید مٹ گیا تیرا وہ اقتدار |
| روز جزا لگے گی عدالت حسین کی |
| آمر نہ جس کو سامنے اپنے جھکا سکا |
| دیکھی یہ کربلا میں شجاعت حسین کی |
| جسم حسین چور تھا تیروں کے زخم سے |
| دیکھی ہے کربلا نے یہ ہمت حسین کی |
| عون و محمد اصغر و اکبر فدا کئے |
| قاسم۔ عبا س ساری قرابت حسین کی |
| خون جگر سے لکھ ذرا عتیق یہ داستاں |
| پھر تجھ پہ ہو گی ہر گھڑی عنائیت حسین کی |
معلومات