| خبر یہ ملی تھی جفا مسئلہ ہے |
| مگر دیکھتا ہوں انا مسئلہ ہے |
| میاں عشق تو ہے بلا کا ہے لیکن |
| وہ جس سے ہے اس کی رضا مسئلہ ہے |
| مجھے موت سے ڈر نہیں لگتا لیکن |
| نمازیں ہوئی ہیں قضا مسئلہ ہے |
| تمہیں مل گیا ہے بنا مانگے ہی سب |
| تمہارے لیے تو دعا مسئلہ ہے |
| چراغوں کی کوئی شکایت نہ کرنا |
| ہوا آگ میں تھی ہوا مسئلہ ہے |
| نہ بے روزگاری نہ غربت نہ نشہ |
| ابھی عشق سب سے بڑا مسئلہ ہے |
| جدائی پہ دھڑکن کو سنبھال لیتا |
| مگر سانس کا اے خدا مسئلہ ہے |
| یہاں اور کوئی خرابی نہیں یار |
| تری دنیا میں بس وفا مسئلہ ہے |
معلومات