| *ایک نوجوان کی دعا* |
| کیوں ریاضِ دہر میں پژمردہ رُو اک گل ہوں میں |
| گلشنِ ہستی میں کیوں آشفتہ سر بلبل ہوں میں |
| اک طرف روتی ہیں آنکھیں غارتِ دیں دیکھ کر |
| اک طرف نالاں ہے دل کہ ہوں میں اُس سے بے خبر |
| اک طرف محبوب سے محبوب تر محبوب دیں |
| اک طرف ہے دشمنِ جاں، آہ میں جاؤں کدھر |
| راستے دلکش نظاروں سے ہوئے آراستہ |
| ہے سحر انگیز جانِ جاں کا یہ رنگیں سفر |
| فرق کیا ہے جان و دل ، محبوب و دیں کے درمیاں |
| جانتا ہوں، کیا کروں پر ، جان کر ہوں، بے خبر |
| راہیٔ راہِ محبت ہوں سراپا جستجو |
| زندگی صحرا ہوئی، ہوں مجنوۓ شوریدہ سر |
| ہوں پریشاں حال کہ آسودگی ملتی نہیں |
| بہہ رہا ہے اشک کی صورت مرا خونِ جگر |
| عقدۂ دل کی کشائی ہو کہ اک عرصہ ہوا |
| واعظوں کے وعظ بھی ہیں مجھ پہ اب تک بے اثر |
| نالۂ قلبِ حزیں کو سن کہ ہے ماتم کناں |
| ہے تری رحمت کی جانب کب سے عاصی کی نظر |
| ایک مدت سے گرفتارِ طلسمِ حسن ہوں |
| ڈھونڈتا پھرتا رہا عالم میں اپنا ہم سفر |
| رہ گزر ویران ہیں نظروں سے اوجھل ہو گیے |
| راہرو راہِ محبت باندھ کر رختِ سفر |
| اک حسینِ گل بدن پردہ نشیں سینے میں ہے |
| کیا بتاؤں کتنی دشواری مجھے جینے میں ہے |
| حبِّ مذہب باعثِ تسکینِ قلب و جاں مجھے |
| ہو عزیز از جاں مجھے ملت ہو جانِ جاں مجھے |
| اک طرف مقصودِ ہستؔی اک طرف محبوبؔ ہے |
| کر خداوندِ زمین و آسماں شاداں مجھے |
| شوقِ دیدارِ محبت میں نہ ہوں میں بے قرار |
| اس قدر دشوار تر ہو زندگی آساں مجھے |
| زندگانی ہو مری تیری محبت میں فنا |
| ہو فراقِ ماہ و انجم بھی قرارِ جاں مجھے |
| نور افشانی کروں ظلمت کدۂ بزم میں |
| عصرِ نو کی رات میں کر مثلِ مہ تاباں مجھے |
| مثلِ بُو بزمِ دو عالم میں رہوں میں شادماں |
| گلشنِ ہستی میں کر مانندِ گل خنداں مجھے |
| ظلمتِ شب کے لئے، قاتل، امیدِ صبحِ نو |
| وادئ پر خوار میں کر اے کہ گل افشاں مجھے |
| بزمِ عالم میں مثالِ مہرِ تاباں کر مجھے |
| شمعِ ہستی سے چراغاں ہو کہ کر سوزاں مجھے |
| شمع کی امید میں سودائیٔ پروانہ ہوں |
| وصل کی امیدِ رکھے تا نفس کوشاں مجھے |
| تیری قربت ہو میسر دورِ پر آشوب میں |
| وصل کی لذت کشی سے کر سدا نازاں مجھے |
| عشقِ" غیر اللہ" کی لذت سے دل معمور ہے |
| میں وہ "موسی" ہوں کہ جس کا بے تجلی طور ہے |
| قوم و ملت کی محبت سے مجھے سرشار کر |
| غیر قوموں کے لئے شمشیرِ بے زنہار کر |
| عزمِ اوّلؔؓ ، نظمِ ثانیؔؓ، جودِ ثالثؔؓ کر عطا |
| قوتِ کرارؔؓ دے ، مانندِ ذولفِقار کر |
| جرأتِ پیہم عطا کر شوکت و جاہ و جلال |
| رزمِ مرگ و زیست میں ہم پہلوۓ ضرارؓ کر |
| دے کے فکرِ قوم و ملت کر مثنّٰیؔ ہم نشیں |
| موت سے ہو آشنائی زندگی دشوار کر |
| سعدؓ و سلمؓاں بو عبیؓدہ کی معیت ہو نصیب |
| بزمِ ہستی کو مری عزم و یقیں سے چار کر |
| پاسبانِ عظمتِ اسلام ایوبؔی صفت |
| حق و باطل کی جھڑپ میں ٹیپوؔ کی تلوار کر |
| جل رہی ہیں آتشِ نمرودِ حاضر میں امم |
| پھر براہیموں کی خاطر آگ کو گلزار کر |
| شوقِ رفعت قوتِ پرواز پھر پیدا کرے |
| پھر سہانے خواب دے کر آنکھ کو بیدار کر |
| رازِ الفت کا نگاہوں کو بھی کر دے رازداں |
| دل کو دل سے آشنا کر طالبِ دیدار کر |
| توڑ ڈالیں یہ غلامیت کی زنجیریں تمام |
| پھر اسیروں کو جہاں میں صاحب و مختار کر |
| بازوۓ خالدؓ عطا کر قوتِ کرارؓ دے |
| گلشنِ اسلام کی تزئین میں کردار دے |
| . (شاہؔی تخیلات) |
| شاہؔی ابو اُمامـه شــؔاہ ارریاوی |
معلومات