ہم پہ لازم ہے کہ سب اُس کا کہا سچ بولیں |
جھوٹ بھی اُس نے اگر سچ میں لکھا سچ بولیں |
کامیابی کی یہی شرط ہے پہلی یارو |
جو بھی کچھ اُس کے لبوں سے ہو ادا سچ بولیں |
سچ زمانے میں لکھا کرتے ہیں غیرت والے |
دل ہی سینے میں نہ ہو جن کے بھلا سچ بولیں |
کیا قیامت ہے کہ ایماں سے ہیں خالی سینے |
اور زمانے میں چلی ہے یہ ہوا سچ بولیں |
ہاں وہاں پر ہی، سجا ہو جہاں جشنِ مقتل |
بس وہاں پر ہی تو آئے گا مزا سچ بولیں |
کیا مجھے، راہ میں پتھر ہیں کہ گل ہیں کانٹے |
کچھ سہی مجھ سے مرے راہ نما سچ بولیں |
معلومات