| آپ اپنی بے گناہی کی نہ قسمیں کھائیے |
| ہاں مگر سچ بات کہنے سے نہ یوں شرمائیے |
| اب تو ظاہر ہو گیا ہے کتنے پانی میں ہیں آپ |
| آپ جو چاہیں کہیں ہم سے نہ منہ کھل وائیے |
| اب تو ہم مرضی سے اپنی جائیں گے جب دل کرے |
| آپ سے کس نے کہا تھا ہم کو گھر بل وائیے |
| دوستوں کو ساتھ آنے کی تو دعوت ہم نے دی |
| ہم سنبھالیں گے انہیں یوں آپ مت گھبرا ئیے |
| جو بھی ہو تکلیف کانوں کو کریں گے معذرت |
| ہم سنیں گے آپ بس خوشیوں کے نغمے گائیے |
| آپ کی تحریر سے تقریر سننا ہے بھلا |
| اب نہ یوں جھوٹی محبّت کا یقیں دل وائیے |
| لوگ سننے کے لئے تیار بیٹھے ہیں یہاں |
| کیا ہی اچھا ہو اگر ماحول کو گرمائیے |
| جانتے ہیں آپ طارق ہم ہوئے دل کے مریض |
| ہم ہمہ تن گوش ہیں جو جی کرے فر مائیے |
معلومات