خوشی تھی کہ آئے گی عیدی کسی دن |
ملے گی محبت سے عیدی کسی دن |
یہ دنیا تھی کیا اور کیا ہو گئی ہے |
وفاؤں سے بالکل ہی خالی ہوئی ہے |
بھرم تھا جو پہلے ختم ہو رہا ہے |
ملی ہم کو کس جرم کی یہ سزا ہے |
بڑے تھے جو پہلے ہوا ان کو کیا ہے |
امیدوں پہ چھوٹوں کی پانی پڑا ہے |
مروت محبت کہاں کھو گئی ہے |
کسی کو ملے تو بتا دو مجھے بھی |
مشینوں نے دل پر کیے وار کاری |
محبت رہی ہے نہ الفت رہی ہے |
کئی دن رہی تھی توقع مجھے بھی |
ملی ناں محبت سے عیدی کسی کی |
نیا مجھ کو اب کے ملا ہے سبق یہ |
کسی سے نہ مانگیں گے عیدی کبھی پھر |
معلومات