| کتنے رنج و الم سے گزارے گئے |
| جن کے سینے میں بارود اتارے گئے |
| نام جن کے فلک سے پکارے گئے |
| علم کے راستوں میں جو مارے گئے |
| ☆ ☆ ☆ |
| اپنے والد کے واحد سہارے تھے وہ |
| اپنی امی کی آنکھوں کے تارے تھے وہ |
| تم کو معلوم ہے کتنے پیارے تھے وہ |
| علم کے راستوں میں جو مارے گئے |
| ☆ ☆ ☆ |
| پھول معصوم تھے اور جاذب نظر |
| ان سبھی سختیوں سے ابھی بے خبر |
| تھیں مگر ان کی عمریں بڑی مختصر |
| علم کے راستوں میں جو مارے گئے |
| ☆ ☆ ☆ |
| مٹ گیا آج سب دشمنوں کا بھرم |
| رک گئیں گولیاں ، کب رُکا ہے قلم |
| اور منزل ہے پھولوں کی باغِ اِرم |
| علم کے راستوں میں جو مارے گئے |
معلومات