| اگر تم کو لگے میری محبت سچ پہ مبنی تھی |
| تو پھر تم لوٹ آنا اور ذرا بھی دیر مت کرنا |
| اگر عقدہ کبھی کھل جائے اور احساس ہو جائے |
| تو میرے پاس آ جانا ذرا بھی دیر مت کرنا |
| کہ تیرا لوٹ آنا منزلیں آسان کر دے گا |
| یقیں مانو یقیں کر لو ذرا بھی دیر مت کرنا |
| مری شامیں مری صبحیں مرے اچھے برے لمحے |
| سجے ہیں تیری یادوں سے ذرا بھی دیر مت کرنا |
| مری خلوت مری جلوت مری خاموشی و گفتار |
| تمہیں عنوان جیون کا ذرا بھی دیر مت کرنا |
| تو سوچوں میں وچاروں میں کہیں الجھے نہ رہنا تم |
| مری پہلی ہی دستک پر ذرا بھی دیر مت کرنا |
| تری ترچھی نظر کا زاویہ بھی یاد آتا ہے |
| مرا وہ شوق یاد آئے ذرا بھی دیر مت کرنا |
| ترے آنے سے ہو جائے گی تکمیلِ ہمایوں بھی |
| تُو اس کی ایک منزل ہو ذرا بھی دیر مت کرنا |
معلومات