| لبِ دار و رسن ہم نے سنی ہے اک صدا کوئی |
| پسِ دیوارِ زنداں بھی چلی ہے اب صبا کوئی |
| سکوتِ مرگ طاری ہے دیارِ کم نگاہاں میں |
| سلامت بچ سکی ہے کیا یہاں رسمِ بقا کوئی |
| بریدہ ہیں زبانیں شہرِ مقتل نوحہ خواں ٹھہرا |
| سنے گا حشر کے دن کیا مری زندہ نوا کوئی |
| عریضہ خونِ دل سے لکھ دیا ہے ہم نے قاتل کو |
| ہمارے بعد کاٹے گا یہاں اپنی سزا کوئی |
| ستم پرور نگاہوں میں عجب طنزِ تغافل ہے |
| چلے گا ان کے کوچے میں نئی رسمِ جفا کوئی |
| تری چشمِ عنایت کا عجب سحر و فسوں دیکھا |
| لیے پھرتی ہے ہر لمحہ نیا رنگِ ادا کوئی |
| جمالِ روئے جاناں سے منور ہو گیا زنداں |
| سرِ دارِ جنوں عاشق نے پہنی ہے ردا کوئی |
| جھکایا سر نہیں ہم نے کبھی ظالم کے قدموں میں |
| گوارا ہم کو کب تھی کوئے قاتل میں فنا کوئی |
| ہمارے خونِ ناحق سے کھلے گا لالہ و گل بھی |
| رقم ہو گی چمن میں اب نئی رسمِ وفا کوئی |
| سلاسل توڑ کر نکلے ہیں دیوانے سرِ مقتل |
| نہ روکے گا انہیں اب محتسب کا مدعا کوئی |
| غمِ جاناں غمِ دوراں کی تلخی گھل گئی دل میں |
| مرے اشکِ مسرت کا نہیں ہے خوں بہا کوئی |
| چھلکتے جامِ صہبا میں تمہارا عکس ہے لرزاں |
| نگاہِ مستِ ساقی نے پلائی ہے دوا کوئی |
| ستارے بجھ چکے سارے سحر ہونے کو ہے ساتھی |
| افق پر پہنے گی اب صبحِ نو روشن قبا کوئی |
| خداوندا سلامت رکھ مرے گلشن کی ہستی کو |
| پڑھیں گے کل مرے بچے یہاں روشن دعا کوئی |
| یقینِ کامل اپنا ہے کٹے گی رات ظلمت کی |
| گلستانِ تمنا میں چلے گی پھر ہَوا کوئی |
| اس المیؔر دیوانے کو اس تاریک زنداں میں |
| نظر آتی ہے ہر سُو اک نئی روشن ضیا کوئی |
معلومات