| ناکَس کو اپنے دل میں بسانے کا شکریہ |
| کرب و خلش سے مجھ کو بچانے کا شکریہ |
| مجھ کو بھی شوق تھا ترے چہرے کی دید کا |
| پردے کو رخ سے اپنے اٹھانے کا شکریہ |
| مجھ کو رفاقتوں کی ضرورت بلا کی تھی |
| ہر گام ساتھ میرا نبھانے کا شکریہ |
| سب سے بچھڑ کے مجھ سے ہی جو مل گئی ہو تم |
| مجھ کو رفیقِ خاص بنانے کا شکریہ |
| میں مشقِ فکرِ وصل و غمِ ہجر میں رہا |
| تمرین آکے دل کی مٹانے کا شکریہ |
| ہر روز صبح جو مری ہوتی ہے با کمال |
| خوابوں میں گیت آکے سنانے کا شکریہ |
| جو دل سے بجھ گیا تھا مرے عشق کا دیا |
| اک لو کو پھر سے دل میں جلانے کا شکریہ |
| حسانؔ دوستو کی عقیدت کمال ہے |
| جھوٹی وفائیں یارو دکھانے کا شکریہ |
معلومات