اپنے مالک سے مدینہ کی زیارت مانگوں |
تازگی دل کو ملے ایسی حلاوت مانگوں |
حاضری روضہ پہ ہو فضل سے اے مولا جب |
سجدۂ شکر کو کرنے کی سعادت مانگوں |
پیش نذرانہ درودوں کا ادب سے کر پاؤں |
سر جھکائے کھڑے ہونے کی لیاقت مانگوں |
رب وسیلہ ہے تجھے پاک محمد کا ہر دم |
روبرو ہاتھ اٹھا کے میں ہدایت مانگوں |
بخش عاصی کے گناہوں کو کرم سے یارب |
صدقہ ابرار کے تعظیم و شرافت مانگوں |
راضی رب کو بھی کریں، سرور کونین کو بھی |
نفس و شیطاں سے حفاظت ہو، طہارت مانگوں |
زندگی حق کی طرفداری میں گزرے ناصؔر |
غیر کے آگے نہ جھک جائے، اطاعت مانگوں |
معلومات