| ہم نے چاہا تھا یہی، خاک اڑائی دل کی |
| کیا خبر تھی کوئی تقدیر بنائی دل کی |
| اک تمنا تھی پلٹ آئے وہ آواز مگر |
| نہ ہواؤں نے کوئی بات بتائی دل کی |
| درگزر، صبر، تمنا، رہِ تسلیم و رضا |
| بے سبب لوگ سمجھ بیٹھے صفائی دل کی |
| تیری گلیوں میں کہاں خاک بھی چھوڑی ہم نے |
| ہم نے ہر ذرے سے اک شام سجائی دل کی |
| چاندنی رات کا احسان نہیں بھولیں گے |
| ہم نے بسری ہوئی ہر راہ جو پائی دل کی |
| اب نہ پوچھو کہ کہاں جا کے سنبھالا عامر |
| وقت کی راکھ رہی ساری کمائی دل کی |
معلومات