| سرورِ سروراں شافعِ عاصیاں |
| جانِ ایمان جانِ جہاں معجزہ |
| خاتم الانبیاء الفتِ کبریا |
| حضرتِ احمدِ مجتبیٰ معجزہ |
| سیدُ الانبیا کی سواری چلی |
| ذاتِ والا سوئے ذاتِ باری چلی |
| بے قراروں کی سب بے قراری چلی |
| وہ چلے ہیں تو بادِ بہاری چلی |
| ہر قدم ہر نگہ ہو گیا معجزہ |
| سارا عالم بدن اور وہ جان ہیں |
| مصطفیٰ اپنے خالق کی پہچان ہیں |
| کوئی ان سا نہیں ایسے انسان ہیں |
| یہ رضا نے بتایا وہ ایمان ہیں |
| پھر تو آنکھوں سے دیکھا گیا معجزہ |
| میرے آقا کی نوری نظرمعجزہ |
| میرے آقا کا دستِ کرم معجزہ |
| میرے آقا کے اٹھتے قدم معجزہ |
| میرے آقا کا پیارا دہن معجزہ |
| میرے آقا کی ہر اک ادا معجزہ |
| آپ کے ابروِ پاک بھی معجزہ |
| آقا ہیں آپ کے چشم تر معجزہ |
| ان سے بہتے جو لعل و گہر معجزہ |
| آپ کا ہے لعابِ دہن معجزہ |
| ان میں ہے جو نہاں وہ شفا معجزہ |
| کیا کہیں کون سا معجزہ ہوں بیاں |
| آپ کا تو ہے ہر اک نفس معجزہ |
| آپ کی ذات والا ہے بس معجزہ |
| آپ کا قول فرمانا بھی معجزہ |
| بے زباں قول سننا بھی تھا معجزہ |
| کوئی صدیق ان کا ہی ہوکر ہوا |
| کوئی فاروق ان سے ہی مل کر بنا |
| کوئی عثمان ان کی نظر سے بنا |
| وہ علی جو ہوئے تو ہوئے آپ سے |
| ہر صحابی میں ہے آپ کا معجزہ |
| کافروں کو بلا کر بتانے لگے |
| اور مژدہ خدا کا سنانے لگے |
| لوگ ایمان سن سن کے لانے لگے |
| اللہ اللہ ان کا وہ شیریں بیاں |
| آپ کے شیریں لب کی صدا معجزہ |
| کی عمر کے لئے آپ نے ہی دعا |
| آئے فاروق کچھ دن میں اسلام پر |
| جاں لٹانے لگے آپ کے نام پر |
| آپ کی ہر دعا حق کو مقبول ہے |
| میرے آقا کی ہر اک دعا معجزہ |
| انگلیاں اٹھ گئیں چاند ٹکڑے ہوا |
| ہاتھ اٹھے تو لے آئے ڈوبا مہر |
| آگیا عصر کا وقت پھر لوٹ کر |
| کیسا انوار کا جاری سیلاب تھا |
| انگلیوں کی بھی ہر اک ادا معجزہ |
| ایسا بھی کوئی دیکھا کسی نے غنی |
| مانگنے سے ہی پہلے جو جھولی بھرے |
| جو خطا پر عطا ہی عطائیں کرے |
| اللہ اللہ دیکھو تو جود و سخا |
| میرے آقا کا دستِ عطا معجزہ |
| جس کو چاہیں اسے جنتیں بخش دیں |
| جس کو چاہیں اسے عظمتیں بخش دیں |
| جس کو دیکھیں اسے رحمتیں بخش دیں |
| خود خدا بھی تو چاہے انہی کی رضا |
| چشم دیدِ خدا کی رضا معجزہ |
| جس طرف ڈالدیں زندگی بخش دیں |
| جسکو چاہیں اسے تازگی بخش دیں |
| جس کو دیکھیں اسے روشنی بخش دیں |
| یوں بھی ان کے تصرف میں کیا کچھ نہیں |
| یوں بھی ہے مصطفیٰ کی نگہ معجزہ |
| جن کو والیل قرآن میں رب کہے |
| معجزہ ہیں وہ زلفیں نبی پاک کی |
| جان اٹکی ہے ان میں ہی افلاک کی |
| جس کو اللہ کہتا ہو شمس الضّحیٰ |
| سچ ہے جامی وہ روئے شہا معجزہ |
معلومات