| میں کہوں دن کو جو دن رات کو جو رات غلط |
| ہر غلط اس کی سہی میری سہی بات غلط |
| وہ جسے چاہے اسے راکھ بنا کر رکھ دے |
| اس کے جیسے جو کبھی ہوں مرے جذبات غلط |
| وہ رقیبوں سے ملے ان کے گھروں پر، جو مری |
| اس سے ہو جائے سرِ راہ ملاقات غلط |
| تیری آنکھوں سے برستے ہوئے اشکوں کی قسم |
| آسماں سے جو برستی ہے وہ برسات غلط |
| ہے عجب دور کہ اس دور میں پ±ر کھوں کی ہوئیں |
| ساری اقدار و حکایات و روایات غلط |
| تیری نظروں میں نہیں کچھ بخدا سب ہی ہوئی |
| عزت و دولت و شہرت مری اوقات غلط |
| ایک ہی آدم و حوا سے سبھی ہوتے ہوئے |
| جو یہ سمجھا، ہے الگ اس کی کوئی ذات غلط |
| درد و غم رنج و الم سوچو تو ہیں راحت جاں |
| اس نے بخشی ہی نہیں ہے کوئی سوغات غلط |
| میں نے خود ہار کے بازی ترا دل جیت لیا |
| لاکھ تو سمجھا کرے اس کو مری مات غلط |
| جوش کی بات سند ہے تو کوئی کیسے کہے |
| ساتھ حبیب اس نے جو شعروں میں لکھا سات غلط |
معلومات