| کلمہ ء حق کی خدا ﷻ نے ہمیں نعمت دی ہے |
| صدقہ ء مصطفیؐ کے قیمتی دولت دی ہے |
| اپنے محبوبؐ سے وابستگی نسبت دی ہے |
| قابل قدر مقدر میں سعادت دی ہے |
| سامنے دین مبیں راہ عمل ہو ہر دم |
| نور قرآن دیا، پیاری شریعت دی ہے |
| فکر محشر کو فراموش نہ کرنا ہرگز |
| نیکیاں خوب کمائیں کہ فراست دی ہے |
| خواب غفلت سے ہو بیدار یہاں ہم سارے |
| ورنہ پچھتائیں گے اس پر جو فراغت دی ہے |
| ہر گھڑی عین غنیمت ہی سمجھنا ہوگا |
| عفو فرما کے بڑی ادنی سی مہلت دی ہے |
| شکر مولیﷻ کا ادا کرنا عطا بخشش پر |
| بے بہا فضل و کرم اور عنایت دی ہے |
| بخشی ناصؔر جو رعایت ہے نوازش ربﷻ کی |
| توشہ ء عقبی جمانے کو ہی فرصت دی ہے |
معلومات