| نہ آیا آج وہ ، محفل نے جس کی حسرت کی |
| کہ تاب لاتی نہیں بزم جس کی صورت کی |
| ہوا ہوں اب کہ پریشان اس کی فرقت سے |
| مگر مجال ہے ملنے کی کچھ بھی جرأت کی |
| ہوں دربدر میں اسیروں سی زندگی اپنی |
| جفا یہ کیسی بلا کی ہے اس نزاکت کی |
| مگر نصیبِ محبت میں یہ لکھا ہے حسیں |
| ہوا حقیر زمانے میں جس نے چاہت کی |
| نہ پوچھ لینا کبھی حال خستہ حالی کا |
| کہ ایک عرصہ ہوا میں نے بھی ندامت کی |
| ہوا ہوں جرمِ محبت میں، میں اسیرِ جنوں |
| گرانی جان پہ آئی ہے اک حمایت کی |
| یہ کہ رہا تھا کوئی بزم میں رفیقوں سے |
| خطا یہی ہے مری بزم میں جو شرکت کی |
| کوئی وطن سے محبت کی بات کیسے کرے |
| وبا جو ملک میں پھیلی ہے آج نفرت کی |
| امیرِ شہر نے یہ کہہ کہ بیڑیاں ڈالی |
| سزا ملی ہے تجھے قوم سے محبت کی |
| اسی کے چرچے ہیں زوروں پہ آج محفل میں |
| نبھاۓ جس نے روایات و ریت الفت کی |
| وہ پا گئے تھے محبت میں سب سے اعلیٰ مقام |
| مثال کیا دوں مسلماں کی اس صداقت کی |
| اے دل کہ بزم سے کہدے مری نواۓ شوق |
| ستم رسیدہ کو حاجت ہے اب محبت کی |
| خلاف ہوتا ہے گر ہو مجھے نہیں پروا |
| کہ آج میں نے روایات سے بغاوت کی |
| کہ آشنا ہی بھری بزم میں کیا رسوا |
| بتا کے رازِ جنوں ہاۓ کیا حماقت کی |
| میں کیوں گیا تھا وہاں شوقِ رند لیے ساقی |
| ہزار بار مجھے دل نے یہ ملامت کی |
| اسے بھی دیکھو ذرا وعظ بھی کرو واعظ |
| کہ خانقاہ کے پسر کو طلب ہے شہرت کی |
| یوں سر جھکائے جو بیٹھے ہیں عینِ محفل میں |
| ادا یہ کیسی نرالی ہے ہاۓ حضرت کی |
| اے شاہیؔ بچنا سیاست کے پیچ و خم سے سدا |
| بلا کہ گوشۂ خلوت میں یہ نصیحت کی |
| یہ کیسی وعظ و نصیحت ہے اب کہ أہلِ جنوں |
| حضور آپ نے کیسی مگر شرارت کی |
| مراقبے میں جھکی گردنیں ہیں سب کی یہاں |
| نہیں ہے آج کسی کو خبر حقیقت کی |
| وہ کچھ جواں تھے شریعت کے پاسباں تھے کبھی |
| بہت زمانہ ہوا سن کے بات غیرت کی |
| جو قوم کے تھے محافظ وہ آج سوۓ ہیں |
| یہ اہلِ دل کے لئے بات ہے نا حیرت کی |
| مگر جو دل ہے مرے پاس کہاں سے لاۓ کوئی |
| کرے جو بات سرِ عام یوں جسارت کی |
| کہ عصرِ نو میں مسلماں کی ہے ضرورت یہ |
| ہرایک دل کو تمنا ہو اب قیادت کی |
معلومات