| کونین کی ضیا ہیں صلے علیٰ نبی |
| کن کی حسیں وجہ ہیں صلے علیٰ نبی |
| خلقِ خدا کے داتا ہستی کی شان یہ |
| نبیوں کے پیشوا ہیں صلے علیٰ نبی |
| رب کے حبیب سرور دلبر جہان کے |
| یعنی جو مصطفیٰ ہیں صلے علیٰ نبی |
| آمد سے ان کی ساری کافور ظلمتیں |
| کیا روشنی ضیا ہیں صلے علیٰ نبی |
| آنکھوں میں نور پیدا جن کے لعاب سے |
| ہر درد کی دوا ہیں صلے علیٰ نبی |
| شامل خلق میں آقا واصل خدا سے ہیں |
| خلوق کی صدا ہیں صلے علیٰ نبی |
| مومن کی آنکھ بینا بطحا کی دھول سے |
| ہر جان کی جِلا ہیں صلے علیٰ نبی |
| ان پر نثار مومن کی آن بان ہے |
| احسانِ کبریا ہیں صلے علیٰ نبی |
| محمود جان وارو آقا کی آل پر |
| خوش جن پہ مصطفیٰ ہیں صلے علیٰ نبی |
معلومات