| بنائی رب نے ہر صورت فقط اک یار کا صدقہ |
| ہمیں ملتی ہے ہر نعمت نبی مختار کا صدقہ |
| زمین و آسماں سارے شہِ ابرار کا صدقہ |
| کہ باڑا بٹتا ہے کونین میں سرکار کا صدقہ |
| چمک یہ چاندتاروں کی چمن میں گل کی رعنائی |
| بہاروں کا حسن سارا ترے رخسار کا صدقہ |
| الٰہی سرخرو کردے مجھے دنیا کے ہر غم سے |
| غمِ امت میں رونے والی چشمِ یار کا صدقہ |
| عطا کردے الٰہی اب مُجھے اخلاق کی دولت |
| محمد دلربا کی دلنشیں گفتار کا صدقہ |
| عتیقِ بے نوا پر یا نبی نظرِ کرم کر دو |
| علی حیدر عمر عثمان و یارِ غار کا صدقہ |
معلومات