| آمد ہے یہ دلبر کی آثار بتاتے ہیں |
| کس ناز سے دل والے اب خوشیاں مناتے ہیں |
| نازاں ہیں جہاں والے دلدار ملے رب سے |
| رحمت کے جو باراں ہیں وہ فاراں پہ آتے ہیں |
| مدحت ہے یہ سلطاں کی سُر تال جو امبر میں |
| ٹولے ہیں فرشتوں کے اک لے میں جو گاتے ہیں |
| فردوس کو شرمائے بی آمنہ گھر تیرا |
| دل شاد ہے امی کا سرکار جو آتے ہیں |
| ہادی ہیں نبی سرور دلدار زمانے کے |
| جو راہوں پہ نصرت کی بندوں کو چلاتے ہیں |
| کیا خوب سجی گودی ہے اماں حلیمہ کی |
| یہ سلطاں زماں کے ہیں جو گود میں آتے ہیں |
| ہے چاند جو امبر پر تھا اُن کے کھلونوں میں |
| نغمات جنہیں نوری پالن میں سناتے ہیں |
| یہ خوب زمانہ ہے آمد ہے جو سرور کی |
| بت خانے کے بت سارے اب خیر مناتے ہیں |
| ہم صدقے ہیں دل جاں سے ہادی کے گھرانے پر |
| پڑھتے ہیں درود اُن پر، پرچم لہراتے ہیں |
| ملے جام ہیں وحدت کے سرکار کے ہاتھوں سے |
| رحمت کے گھنے سائے اُس ذات سے آتے ہیں |
| اک خاص لگن میں ہیں بردے ہیں جو دلبر کے |
| یہ گجرے درودوں کے ہر آن بناتے ہیں |
| محمود غلام اُن کے قربان سدا اُن پر |
| جو نامِ محمد سے سینوں کو سجاتے ہیں |
معلومات