| بول بالا کرو سخاوت کا |
| درس دیتے ہو کیوں عداوت کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جھیل میں زہر کیوں ملایا گیا |
| اب چلا ہے پتہ حقیقت کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| تم عداوت کے روگ مت بانٹو |
| زندگی راگ ہے محبت کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جو مری روح میں سمایا ہے |
| اس سے رشتہ رہا عقیدت کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ہم چراغوں کو خون دیتے ہیں |
| دَور گرچہ نہیں سخاوت کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| سارے لوگوں پہ ہے اثر دیکھو |
| اس کے لہجے کی بس حلاوت کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کارِ دنیا میں الجھے لوگوں کو |
| وقت مل جاتا ہے تلاوت کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| ایک دن وہ ضرور آئے گا |
| سوچتا ہے مری عیادت کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| بھید مانی نے کھول دینا ہے |
| ان شریفوں کی سب شرافت کا |
معلومات