| میرے ہر رنگ میں رنگ اپنا دِکھانا مُرشِد |
| لاج ہر حال میں پھر میری بَچانا مُرشِد |
| دل میں پاتا ہوں مرے یار تری جلوہ گری |
| دل مرا آپ کا یونہی ہو ٹِھکانا مُرشِد |
| آپ کو جان کے آئی ہے یَقینی مجھ میں |
| آگیا كام یه دیوانه بنانا مُرشِد |
| دیدِ رُخ سے مرے عالم میں بہار آئی ہے |
| دل پہ کَندا ہے جو یہ نقش سُہانا مُرشِد |
| آپ میں ہو کے فنا میری انا باقی بنی |
| بس یونہی ھُو سے مری ھُو کو مِلانا مُرشِد |
| زوقِ روحانی کتابی نہیں اصلی ہے مرا |
| جامِ کوثر مجھے نظروں سے پِلانا مُرشِد |
| آپ کے جلوے شَہَا قَبْرِ ذکیؔ سے پُھوٹیں |
| ایسے اندازِ قلندر میں سُلانا مُرشِد |
معلومات