| رہے گا درد جُوں کا تُوں کب تک |
| چشمِ تر سے بہے گا خُوں کب تک |
| چشمِ منظر ہو پُرفُسوں کب تک |
| کربِ بے ماجرا سہوں کب تک |
| دشت میں ہوں اگر تو ہوں کب تک |
| رہے گا آخرش جنوں کب تک |
| خود کو میں کوستا رہوں کب تک |
| زندگی ہوگی بے سکوں کب تک |
| بے سکونی میں خوش رہوں کب تک |
| میں اداکاریاں کروں کب تک |
| ہجر نے مجھ کو بخشا سوزِ دروں |
| اور سوزِ دروں بھی یوں کب تک |
| کیوں ہی تو ہر سوال کا ہے جواب |
| ہو زباں پر یہ لفظِ کیوں کب تک |
| رہتا ہوں سوزِ زیست میں ہر دم |
| اور یوں بھی تو رہ سَکوں کب تک |
| تُو سنی ان سنی کرے ہر دم |
| اور میں آواز تجھ کو دوں کب تک |
| شہر کے مسخروں سے جانِ من |
| طعن و تشبیع میں سہوں کب تک |
| وقت سے پوچھتا ہوں ایک ہی بات |
| سدھرے گی حالتِ زبوں کب تک |
| شل ہیں پاؤں شکستہ پائی ہے |
| دیکھتے ہیں کہ چل سکوں کب تک |
| تلخئِ شوق و آرزو میں زیبؔ |
| اشکِ ریزاں ہوں سرنگوں کب تک |
معلومات