| امّارہ سے حفاظت تُجھ کو ملے نہ جب تک |
| کب چین دل کو آئے ، یوں روح پر ہو دستک |
| اے نفسِ مطمئنّہ ، تُو بھی تو ہو میسّر |
| لوّامہ میں گزاریں گے زندگی یہ کب تک |
| منزل کا ہو اشارا ، کوئی تو ہو سہارا |
| ہیں ہم سفر میں کب سے ، دیکھو گئے ہیں اب تھک |
| تسلیم ہے یہ ہم کو ، ہم ہیں خطا کے پتلے |
| انجام سوچنے پر ، دھڑکے یہ دل تو دھک دھک |
| نفرت نہیں کسی سے ، کرتے ہیں سب سے الفت |
| کوشش کریں ہمارا ، پیغام پہنچے سب تک |
| عزمِ صمیم ہو گا تو کامیاب ہوں گے |
| جاتی ہے رائیگاں کب ، محنت کریں گے انتھک |
| کیا لوگ سوچتے ہیں، اس سے ہمیں غرض کیا |
| لوگوں کا کام ہے یہ ، کرتے رہیں گے بک بک |
| بیٹی ہے جن کے گھر میں ، اڑتی ہیں ان کی نیندیں |
| کتنے گھروں میں دیکھو ، بجتی نہیں ہے ڈھولک |
| دانائی کی ہیں باتیں، شعروں میں ڈھال دی ہیں |
| تم اس سے پوچھ لینا ، کوئی ملے جو زیرک |
| کیا خوب جو کرو تم دیں سے الگ سیاست |
| جب ووٹ دینے جاؤ پوچھے نہ کوئی مسلک |
| طارق ہمارے دم سے بھی روشنی کہیں ہو |
| خوش ہوں ہمارے ہاتھوں ، جل جائے کوئی دیپک |
معلومات