| پلید ہونے نہ دینا کبھی قرابت کو |
| شکستگی سے بچانا بھی ہے رفاقت کو |
| سبق وفا کا رہے مان لو نصیحت کو |
| "فروغ دیجئے آپس میں بس محبت کو" |
| ہے والدین کا عالی مقام دنیا میں |
| بسا لو اپنے دل و جاں میں ان کی عظمت کو |
| صعوبتوں سے اجیرن ہو زندگی لیکن |
| برتئے زیست کے ہر شعبہ میں صداقت کو |
| روش سرے سے بدلنی ہے کج روی کی اب |
| معاشرہ سے مٹانا بھی ہے ضلالت کو |
| ضیا پزیر مقدر سعی سے ہو جائے |
| سنوارنا ہے قرینے سے اپنی قسمت کو |
| زمانہ میں ہو میسر شرف اسے ناصؔر |
| کرے جو خواب سے بیدار سوئی ملت کو |
معلومات