محسن و مشفق، کانِ کرامت، مَظہرِ قُدرت صلّے علیٰ

کامل و رہبر، شانِ عدالت، مَظہرِ قُدرت صلّے علیٰ

خاکِ گُزر کا ذرّہ ذرّہ، انجمِ روشن روشن ہے

جن پہ ہے قُرباں، فخر و عظمت، مَظہرِ قُدرت صلّے علیٰ

نوعِ بشر پہ جو احساں ہے، وہ ہادی کا، ہر فرماں ہے

امن و محبت جِن کی شریعت مَظہرِ قُدرت صلّے علیٰ

بُغض و کینہ جڑ سے گیا، چمکارۂ عَفو و رحم ہوا

جِن سے ہے تاباں، صدق و شرافت، مَظہرِ قُدرت صلّے علیٰ

قلب کو جس نے نور دیا ہے، دلوں کو رشکِ طور کیا

پاک کریں وہ محنت و دولت، مَظہرِ قُدرت صلّے علیٰ

صدق و صفا کا منبع ہیں، وہی دان و سخا کا دریا ہیں

شانِ سعادت سیوہ و خدمت، مَظہرِ قُدرت صلّے علیٰ

فیض ہے اُن کا دینِ مُبیں، احسان ہے جن کا ذوقِ یقیں

جن سے ہے ملتی برکت و حکمت مَظہرِ قُدرت صلّے علیٰ

زاہد عاصی، عارف و عامی، سب کے ہیں وہ، ہادی و جانی

سایہ ہے اُن کا، عظمت و رحمت، مَظہرِ قُدرت صلّے علیٰ

عصیاں گناہ میں، سر گرداں ہیں، شیطاں نفس سے خیراں ہیں

فیض ہے جن کا برکت و راحت، مَظہرِ قُدرت صلّے علیٰ

عشقِ نبی محمود کی چاہ ہے، ذکرِ جلی جو صلے علیٰ ہے

لُطفُ و کرم سے کانِ شرافت، مَظہرِ قُدرت صلّے علیٰ