| ہمیں کبھی بھی جو ویزہ ملا کراچی سے |
| تو ساتھ لائیں گے کچھ تو نیا کراچی سے |
| کہیں پہ جون کی یادوں کی محملیں ہوں گی |
| ملے گا ولولہ بھی جوش کا کراچی سے |
| عجیب بات مخالف بھی تیری بستی کے |
| منگا رہے ہیں مسلسل دوا کراچی سے |
| یہ دل تو قابو سے باہر ہی ہو چلا تھا کہ جب |
| کسی نے آ کے کہا فون تھا کراچی سے |
| وطن میں اس کے جو تو نے مجھے بسایا ہے |
| ضرور آئی ہے تجھ تک دعا کراچی سے |
| سفر یہ ہجر کا تنہا تو کٹ نہیں سکتا |
| میں اس کو ساتھ میں لے آؤں گا کراچی سے |
| اس ایک بات کا خمیازہ کیسے پورا ہو |
| مجھے اکیلے ہی آنا پڑا کراچی سے |
| پلٹ کے جانا اسے پھر کبھی نصیب نہ ہو |
| کسی کی ایسی لگے بد دعا کراچی سے |
معلومات