| آگئی صبحِ بہاراں مرحبا صد مرحبا |
| چار جانب ہے چراغاں مرحبا صد مرحبا |
| پیارے آقا جن کی الفت ہے کمالِ بندگی |
| آگئے وہ جانِ ایماں مرحبا صد مرحبا |
| عیدِ میلاد النبی ہے بالیقیں عیدوں کی عید |
| اہلِ حق ہیں خوب شاداں مرحبا صد مرحبا |
| جشنِ میلاد النبی کی برکتیں تو دیکھیے |
| ہوگئے غم خود پریشاں مرحبا صد مرحبا |
| رحمتِ عالم کی آمد سے جہاں میں چھا گیا |
| رحمتوں کا ابرِ باراں مرحبا صد مرحبا |
| آمدِ خیرالبشر سے آگیا دورِ بہار |
| لہلہاتا ہے گلستاں مرحبا صد مرحبا |
| دم بہ دم بھیجو مشاہد پیارے آقا پر دُرود |
| جو کہ ہے بخشش کا ساماں مرحبا صد مرحبا |
| عرض نمودہ : ڈاکٹر محمد حسین مشاہد رضوی |
معلومات