| کیسی منزل کیا رستہ! |
| کہ کہاں کے ہیں ہم کس سے وابستہ؟ |
| دل میں کچھ ایسے سوال اٹھتے رہتے ہیں |
| سہمے ہوۓ سے خیال اٹھتے رہتے ہیں |
| اول تو خودی یہ مصیبت سر لی تھی |
| اک ہی نادانی اکثر کر لی تھی |
| گامِ عجلت میں کیے ہوۓ پیماں سے |
| اس دنیا کے انساں سے |
| کب تک بھاگو گے پیارے؟ |
| وہ زمانہ ہاں وہ زمانہ! |
| جب تیری آنکھیں تھیں مے خانہ |
| جب تیری دید تھی لذت کا پیمانہ |
| کبھی قربت میں بہہ جانا |
| کبھی فرقت کا تانا بانا |
| کبھی سوچوں میں گھر کو بسانا |
| کبھی جنبش سے اس کا ڈھے جانا |
| کتنے لمحے تھے بہیمانہ |
| اب تو وہ نقش و نشاطِ دلِ برباد کہاں |
| غم تو کیا! غم کی وہ یاد کہاں |
| اس منظرِ بے رنگ و بے زاری سے |
| سانسوں کی دشواری سے |
| کب تک بھاگو گے پیارے؟ |
| فرقت میں مر جانا آسان کیا کرتے تھے |
| ہم بھی یہ گمان کیا کرتے تھے |
| اب جو زندہ ہیں تو کیا معنی؟ |
| ہر اک حسرت تھی لایعنی |
| ہر اک پیمان تھا بے معنی |
| اس صورتِ لایعنی و بے معنی سے |
| کب تک بھاگو گے پیارے؟ |
معلومات