| اے دشتِ غم کے میرے مسافر سفر اٹھا |
| قدموں کی آہٹیں ہیں پڑی در بدر اٹھا |
| اے ماہ رخ ہے تجھ پہ جو واجب زکواۃِ حسن |
| اک مستحق میں تیرے ہوں در پر نظر اٹھا |
| دونوں کے درمیان ہے تمثیل لا یحل |
| میں بھی' اگر" ہٹاؤں گا تو بھی "مگر" اٹھا |
| یک طرفہ اک سکوت کا منظر ہے دیدہ ریز |
| اے شورِ ناشنیدہ نیا شور و شر اٹھا |
| تو بھی عجیب شخص الجھتا ہے مات سے |
| نقطہ جو آس پاس ہے اے دیدہ ور اٹھا |
| تیرا جنون تابعِ منزل کہاں رہے |
| اے قیس، ریگزار میں دیوار و در اٹھا |
| شیدؔا کہ تیری پیاس میں آبِ حیات ہے |
| تو اپنے ساتھ اپنی نگاہے خضر اٹھا |
معلومات