| آج دولہا بنے میرے خواجہ پیا |
| عاشقِ مصطفی میرے خواجہ پیا |
| نائبِ مرتضیٰ میرے خواجہ پیا |
| تیرا دربار ہے بیکسوں کی پناہ |
| اے معینِ جہاں میرے خواجہ پیا |
| تو عطائے نبی خواجہ ہند الولی |
| غمزدوں کی صدا میرے خواجہ پیا |
| اہلِ دل کا تو ہے مرکزِ بے بہا |
| دلنشیں دلبراں میرے خواجہ پیا |
| خوفِ محشر سے مجھ کو بچائے رکھے |
| آپ ہو پاسباں میرے خواجہ پیا |
| تیرے دربار میں چارسو رحمتیں |
| ہے برستی صدا میرے خواجہ پیا |
| بھیڑ ہے اک لگی قطب و ابدال کی |
| واہ کیا ہے سماں میرے خواجہ پیا |
| اہل ایماں کو اک تازگی ہے ملی |
| تیرے صدقے پیا میرے خواجہ پیا |
| دیکھتے دیکھتے بھر گئی جھولیاں |
| واہ کیا ہے عطا میرے خواجہ پیا |
| تیرے در پر بلا پیارا جلوہ دکھا |
| تجھ سے ہے یہ دعا میرے خواجہ پیا |
| کر دو مجھ کو عطا اذنِ طابہ شہا |
| تم ہو حاجت روا میرے خواجہ پیا |
| دینِ اسلام کی روشنی ہے ملی |
| تیرے در سے شہا میرے خواجہ پیا |
| شاہِ ہند الولی نور پر ہو نظر |
| ہے یہ سائل ترا میرے خواجہ پیا |
| غوث و احمد رضا کا ہو صدقہ عطا |
| نور کو اب شہا میرے خواجہ پیا |
معلومات