| وار، اے عشق ترا دل پہ جو چل جاتا ہے |
| نور کے سانچہ میں بس دل وہی ڈھل جاتا ہے |
| دل میں جب عشق، ترا نور اتر جاتا ہے |
| ذات کے سارے ہی خطروں سے سنبھل جاتا ہے |
| عشق جب نور ترا دل میں ہو دائم قائم |
| دل جو بدلے نہ کبھی، ایسا بدل جاتا ہے |
| دل کو صحبت کا مزہ عشق ترا لگ جائے |
| زور جتنا بھی "انا" کا ہو نکل جاتا ہے |
| درس اے عشق ترا دل نے جو سمجھا اتنا |
| دل ہو بلوان اگر "میں" کا جو بَل جاتا ہے |
| تاب اے عشق تری دل جو اٹھا پائے کوئی |
| پردہ جو "رازِ انا" کا ہے وہ جل جاتا ہے |
| دل ترے زور سے "اے عشق" امانت کا امیں |
| جو فرشتوں کے سروں سے بھی پھسل جاتا ہے |
| فیض اے عشق ہوا دل کو تری صحبت کا |
| نفس میں اٹھتا ہے طوفان تو ٹل جاتا ہے |
| عرش کے فرش پہ اے عشق نظر آتا ہے قد |
| جب ترا غم کہ کسی دل میں جو پل جاتا ہے |
| عالمِ ترک میں اے عشق لے جا پھر دل کو |
| کوئی لے کر نہ وہاں میرا عمل جاتا ہے |
| حضرتِ عشق ترے آگے ذکیؔ کا دل کیا |
| تیری صحبت میں تو پتھر بھی پگھل جاتا ہے |
معلومات