| مدُھر سُر کان میں رس گھولتا ہے |
| وہ یاد آئے ، مرا دل ڈولتا ہے |
| مری شہ رگ سے بھی نزدیک ہے جو |
| مرے اندر وہی تو بولتا ہے |
| اکیلے میں جو پوچھو سر جھُکا کر |
| وہ سربستہ سبھی گُن ، کھولتا ہے |
| تمہاری بات میں ہے وزن کتنا |
| وہ سن کر بھی عمل کو تولتا ہے |
| عیاں اِس سے ہے اُس کی بے نیازی |
| فراعینِ زمانہ رولتا ہے |
| ہے قیمت ہر کسی کی کیا مقرّر |
| کہاں پر کس کا ایماں ڈولتا ہے |
| رکھے مضبوط ، دشمن مجھ کو طارقؔ |
| دِکھُوں کمزور ، تو وہ بولتا ہے |
معلومات