| جیون ہے سانسوں کی ڈور پہ اڑتی جاتی ایک پتنگ |
| کیسے دیکھ فضا میں کٹ کر ہے لہراتی ایک پتنگ |
| کسی کسی کی ڈوری دور سمے تک اونچی اُڑتی جائے |
| گرے کسی کی کٹ کر اڑتے ہی بل کھاتی ایک پتنگ |
| کہے یہ اس سے میں بھی تُجھ پر جان نچھاور کر دوں گا |
| کوئی شمع جب دیکھے روشن روشن آتی ایک پتنگ |
| جان لگا کر داؤ پر اس نے تو اونچا اُڑنا تھا |
| گھر بیٹھے آرام سے بھی تو چین نہ پاتی ایک پتنگ |
| سینے پر سے بوجھ کئے جب ہلکے تب اُڑ پائی ہے |
| نیچے تنہا بوجھ اٹھانے کہاں پہ جاتی ایک پتنگ |
| طارق روح کے بوجھ اگر ہلکے کردیتے دنیا میں |
| یہ بھی اڑتی عرش کی ہم کو سیر کراتی ایک پتنگ |
معلومات