| روح سے کر کلام دھیرے سے |
| کر خودی بے نیام دھیرے سے |
| دل کی خواہش اگر بڑھے حد سے |
| کھینچ لینا زمام دھیرے سے |
| حسنِ سیرت سے کر لیا اُس نے |
| میرے دل میں مقام دھیرے سے |
| دل کا طائر ہوا شکار آخر |
| آگیا زیرِ دام دھیرے سے |
| اُسکی آنکھوں سے دل میں اُترا ہے |
| پیار کا اک پیام دھیرے سے |
| آنکھ کھلتے ہی گلشنِ دل میں |
| تو ہے کرتا خرام دھیرے سے |
| سن نہ پائے رقیب اے قاصد |
| اُن سے کرنا کلام دھیرے سے |
| لٹ چکا کاروانِ دل اپنا |
| اب اٹھا لیں خیام دھیرے سے |
| زندگی تیز تیز چلتی ہے |
| موت کرتی ہے کام دھیرے سے |
| عمر گزری سحاب غم سہتے |
| کٹ گئے صبح و شام دھیرے سے |
معلومات