| خدایا! عشقِ حبیب دیدے |
| از : محمد حسین مشاہد رضوی |
| مِٹا کے دل سے خیالِ ہستی ، خدایا! عشقِ حبیٖب دیدے |
| کٹے یہ سر نامِ مصطفیٰ پر ، تو ہم کو ایسا نصیٖب دیدے |
| نگاہِ باطل میں تیغِ بُرّاں ، ہوں اپنوں میں نرم ومعتدل ہم |
| جلال دے ، اُنس وپیار بھی دے ، شعورِ فہمِ رقیٖب دیدے |
| مٹا کے دل سے تو داغِ فُرقت ، تمنا پوری ہماری فرما |
| طوافِ کعبہ نصیب کردے ، درِ حبیٖبِ لبیٖب دیدے |
| جو نبضِ عالم پہ ہاتھ رکھ کر ، غم و الم کا کرے مداوا |
| جو فکرِ صالح کا ہو مبلغ ، رضاؔ سا ہم کو طبیٖب دیدے |
| دعائیں میری قبول فرما ، تو دفن کے واسطے خدایا |
| مُشاہدِؔ رضوی خستہ جاں کو ، زمینِ کوئے حبیٖب دیدے |
| ٭ |
معلومات