| ہو بصیرت بھی بصارت ایسی ہونی چاہئے |
| مومنوں میں اک جماعت ایسی ہونی چاہئے |
| دعوتے حسنات بھی دے اور بدی سے روک دے |
| حکمِ قرآں کی اطاعت ایسی ہونی چاہیے |
| سرزنش کرنے کا رکھتی ہو مکمّل اختیار |
| اُس جماعت کی حمایت ایسی ہونی چاہئے |
| روک سکتی ہو برائی پیار کی تعلیم سے |
| سچ ہو لیکن وہ شکایت ایسی ہونی چاہئے |
| امر بِلُ معروف منکر سے نہی کا حکم ہے |
| ہو عمل انگیز طاقت ایسی ہونی چاہئے |
| ہر کسی کو اپنی اپنی فکر دامن گیر ہو |
| جب نبی آئے تو فطرت ایسی ہونی چاہیے |
| بے خطر ہر اک سے کہہ پائے وہ سچی بات کو |
| جو ہے مومن اس کی جراَت ایسی ہونی چاہئے |
| ہم دعا کے ساتھ تقویٰ پر بھی رکھتے ہوں قدم |
| جب مسلماں ہیں تو عادت ایسی ہونی چاہئے |
| آج کل کے حکمرانوں سے کریں شکوہ تو کیا |
| وہ سمجھتے ہیں قیادت ایسی ہونی چاہئے |
| لوگ تو طارق مزاروں پر بھی جا سجدہ کریں |
| دُور ہیں قرآں سے حالت ایسی ہونی چاہئے |
معلومات