| آقا کریم میرے الطاف عام تیرے |
| سرور ہے تو دہر کا، اعلیٰ مقام تیرے |
| اے نعمتوں کے داتا فیضِ جلی کے قاسم |
| تیری عطا سے کھائیں سارے غلام تیرے |
| خُلقِ عظیم ہادی ماہِ مبین دلبر |
| گنجِ سخا خدا سے، شاہا مدام تیرے |
| خلقِ خدا پہ ہر جا ہیں رحمتوں کے سائے |
| بخشش کے ہیں اجارے آقا دوام تیرے |
| گھیرا ہے رحمتوں نے کونین کو کراں تک |
| ہستی کو فیض حاصل ہیں صبح و شام تیرے |
| یہ فقر فخر تیرا، ہیں فیض عام تجھ سے |
| دے خلد دان میں تو، سادہ طعام تیرے |
| تھا ظلمتوں نے گھیرا خلقِ خدا کو ہر جا |
| روشن کریں جو جیون، وہ ہیں نظام تیرے |
| اب شہر نور کا یہ، یثرب سے ہے مدینہ |
| کیونکر ہیں اس نے چومے، پیارے یہ گام تیرے |
| محمود بھرنے جھولی آیا ہے تیرے در پر |
| مولا رکھے خزانے، بھر کر تمام تیرے |
معلومات