| پرور دگار مجھ کو بھی ایسا نصیب ہو |
| آنکھوں کو میرے گنبدِ خضریٰ نصیب ہو |
| مجھ کو سلام دنیا کرے گی خلوص سے |
| گر آمنہ کے لال کا صدقہ نصیب ہو |
| جتنے غزل کے شعر کہے سب فضول ہے |
| نعتِ رسولِ پاک میں تمغہ نصیب ہو |
| ہے آرزو دعا مری حسرت ہے التجا |
| اے کاش مجھ کو روضے پہ جانا نصیب ہو |
| یوسف کے حسن پر تو زلیخا رہی فدا |
| جس پر فدا خدا ہے وہ چہرہ نصیب ہو |
| ہندوستاں میں نعتِ نبی کب تلک پڑھوں |
| پڑھنے کو نعتِ پاک مدینہ نصیب ہو |
| جب تک حیات میں رہوں خالدؔ پڑھوں سدا |
| للہ مر تے وقت بھی کلمہ نصیب ہو |
معلومات