| ترے سلوک سے لگتا ہے مَیں پرایا ہوں |
| وگرنہ مَیں تو ترا عکس تیرا سایہ ہوں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| اڑائے رکھا مجھے چار دن محبت نے |
| مَیں گھوم پھر کے دوبارہ وہیں پہ آیا ہوں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مجھے تو ماں کی دعاؤں نے زندہ رکھا ہے |
| میں درد میں بھی ہمیشہ ہی مسکرایا ہوں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| تمہاری یاد کے جگنو سنبھال رکھے ہیں |
| بڑے ہی پیار سے تحفہ میں ساتھ لایا ہوں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| تمام عمر گزاری ہے خود فریبی میں |
| کہ تیری سانس میں ہر پل ہی میں سمایا ہوں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| تری طرح ہی گزاری ہے زندگی میں نے |
| تری طرح ہی مقدر کا میں ستایا ہوں |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| کسی کی آنکھ میں اترا ہوا تھا مانی میں |
| ابھی ابھی میں سمندر کو چھو کے آیا ہوں |
معلومات