| زور کی آئیں ہوائیں پھر سے |
| گھر کا دروازہ ہلائیں پھر سے |
| سامنے سب کے اڑا کے آنچل |
| یار کا چہرہ دکھائیں پھر سے |
| شب کے پہلو میں سجا کے دلہن |
| دیں ستاروں کو صدائیں پھر سے |
| چاند خود دیکھے تماشا سارا |
| عشق لے گل کی بلائیں پھر سے |
| بھیک خوشبو کی چمن بھی مانگے |
| زلف کی چھائیں گھٹائیں پھر سے |
| شام کے ساتھ جو ڈوبے سورج |
| خالی کر دے نہ سرائیں پھر سے |
| خواب سے رات لپٹ کے سوئیں |
| سن لے میری وہ دعائیں پھر سے |
| عکس شاہد کا رہے آنکھوں میں |
| اشک پلکیں نہ گرائیں پھر سے |
معلومات