| شکریہ |
| شکریہ آپ کا |
| بزم آراؤں کا |
| شکریہ |
| شکریہ آنے والی ہر ایک ذات کا |
| شکریہ اہل دل کی اس بارات کا |
| شکریہ اہل محفل کے جذبات کا |
| شکریہ آپ کا |
| سارے حضرات کا |
| شکریہ شکریہ |
| شکریہ بزمِ آراۓ شعر و سخن |
| شکریہ گل نگاران و اہلِ چمن |
| شکریہ ساقی و مے کش و مے کدہ |
| شکریہ جام و مینا و ساغر ترا |
| جس کے پیمانے میں نابِ ملت بھرا |
| نابِ ملت سے سرشار و بیدار دل |
| جس کے سایے میں پروان چڑھتا گیا |
| یہ بلا نوش مے کش مچلتا گیا |
| شکریہ شہسوارانِ عہدِ کہن |
| جن پہ نازاں ہے صد ناز دار و رسن |
| رزم گاہِ کہن محفل و انجمن |
| جن کے خوں سے ہے رنگین بزمِ جہاں |
| جن کے صدقے میں پایا جہاں نے اماں |
| ریگ زارِ جہاں بھی ہوا گلستاں |
| جن کی گفتار ہے نرگس و نسترن |
| جن کا کردار ہے رشکِ اہل جِناں |
| گل کدہ گل کدہ |
| مے کدہ مے کدہ |
| جن سے ملنے کو بیتاب تھا آسماں |
| کاروانِ فلک مہر و مہ کہکشاں |
| جن کے قدموں تلے بچھ گئی سلطنت |
| تاج توڑے جو جابر شہنشاہوں کا |
| جس میں پتھر تھا مظلوم کی آہوں کا |
| شکریہ |
| شکریہ ساقیانِ حرم شکریہ |
| شکریہ مے کشانِ حرم شکریہ |
| شکریہ بزمِ رفتہ کے دیوانوں کا |
| شمعِ سوزاں کے بیتاب پروانوں کا |
| عقل و دانش سے بے گانے مستانوں کا |
| جن سے امید ہے |
| جانثاری کی پھر |
| سرفروشی کی پھر |
| لالہ کاری کی پھر |
| جاں سپاری کی پھر |
| بادہ خواری کی پھر |
| جن کی آمد کی خواہش ہزاروں کو ہے |
| درد مند دل کو ہے غم کے ماروں کو ہے |
| دور ، گردوں نشیں چاند تاروں کو ہے |
| شکریہ دن کے مایوس لمحات کا |
| شکریہ شامِ امیدِ سوغات کا |
| شکریہ آنے والی حسیں رات کا |
| شکریہ اس کا جس کی طلب میں یہ دل |
| دن کو بیتاب |
| راتوں کو مضطر ہوئے |
| شمعِ امید ہر شب جلاتے ہوئے |
| جھلملاتے ہوئے |
| جگمگاتے ہوئے |
| شمعِ ہستی کی لو پھر پھراتے ہوئے |
| سوگیا جاگے جاگے کہیں بے خطر |
| مارا مارا پھرا |
| رہگزر رہگزر |
| دربدر دربدر |
| شکریہ |
| شکریہ |
| شکریہ انقلابِ زمانہ کا کہ |
| جس کی گردش میں ہم رزم آرا ہوئے |
| باعثِ نازشِ بزمِ آرا ہوئے |
| ایک ہم ہی نہیں |
| یہ زمان و مکاں |
| یہ چمن ، ریگزار |
| یہ در و بام و مینارے سارے ہوئے |
| شکریہ شاہ جی |
| آپ کا شکریہ |
| شکریہ |
| آپ تشریف لائیں یہاں |
| شکریہ |
| آپ کا، آپ کا، آپ کا |
| شکریہ بزمِ عیشِ و طرب شکریہ |
| شکریہ بزمِ علم و ادب شکریہ |
| شکریہ |
| شکریہ شکریہ |
معلومات