| کیا خوب ثنا اُن کی دل سوز میں گاتا ہے |
| جو یار کو بھاتا ہے وہ عشق سکھاتا ہے |
| آشا ہے جو سینے میں یہ اشک گواہی دیں |
| کب چاہوں میں وہ رستہ درِ غیر جو جاتا ہے |
| بیگانہ ہو من میرا ہر غیر کے لالچ سے |
| مجھے آس ہے رہبر کی جو یار ملاتا ہے |
| بطحا ہے ہدف میرا جو قبلہ ہے عاشق کا |
| امید سے جس کی دل ہر آن میں رہتا ہے |
| آ جوش میں بحرِ جاں طغیانی ہو رحمت میں |
| ملے مجھ کو وہی بیڑا بطحا کو جو جاتا ہے |
| اے بادِ بہاری جا ہے عرض یہ دلبر سے |
| اک بردہ پیشاں ہے جو اشک گراتا ہے |
| بے بس کو بلا لینا ایجاب ہوں فریادیں |
| نغمات یہ سرور کے ہر حال میں گاتا ہے |
| آسان کریں مولا ہیں راہیں جو طیبہ کی |
| یہ حال زمانے کا اب خوب ڈراتا ہے |
| محمود کو اے داتا اس در سے محبت ہے |
| اسے کہہ دے کوئی آ کر محبوب بلاتا ہے |
معلومات