| سخی مصطفیٰ ہم کو پیارا ملا |
| ملا جن سے اعلیٰ سہارا ملا |
| انیسِ غریباں یہ کامل نبی |
| انہی سے فقیروں کو چارہ ملا |
| دہر کے ہیں یکتا یہ ہی تاجدار |
| گراں فیض جن سے ہے نیارا ملا |
| ہیں شہکارِ قدرت حسن کا جہاں |
| زہے دلربا یہ ہمارا ملا |
| گھٹا رحمتوں کی جہاں کو ملی |
| درخشاں مقدر کو تارا ملا |
| بھنور میں گری تھی جو بوسیدہ ناؤ |
| درِ دلربا ہے کنارا ملا |
| مزین انہی سے ہے سارا جہاں |
| جنہیں یہ خدا سے اجارہ ملا |
| تھیں انساں کو گھیرے ہوئے ظلمتیں |
| ضیا کا نبی سے اشارہ ملا |
| ہیں محمود ہادی بنائے جہاں |
| جسے جانِ رحمت سہارا ملا |
معلومات