| کیسے تم کو فقیر گردانیں |
| تم کو اچھی طرح سے پہچانیں |
| تم فقط نیند چھین سکتے ہو |
| خواب چھینو تو ہم تمہیں مانیں |
| ناز کرتے ہو اپنی نفرت پر |
| بار اُٹھاؤ جو پیار کا جانیں |
| گھر سے نکلے ہیں دیکھئے جا کر |
| ٹوٹتی ہیں کہاں پہ اب تانیں |
| ابر برسے ہوئی ہے اک مدّت |
| کھیت سوکھے ہیں خشک کھلیانیں |
| کتنے آئین اور بدلیں گے |
| فیصلہ کیا کریں گی ایوانیں |
| کون نیچے اتر کے دیکھے گا |
| اونچی اونچی ہیں سب کی کوہانیں |
| اب تو عر صہ ہوا ترے گھر سے |
| لوگ سنتے نہیں ہیں آ ذانیں |
| کھودنے کی ذرا ضرورت ہے |
| پائیں سونے کی ہر طرف کانیں |
| بیٹھتے ہیں کسی کے قدموں میں |
| پوچھتے کیا ہو کیا ہیں اب شانیں |
| طارق اک اور بھی تو ہے دنیا |
| جس میں ہوتی ہیں اور میزانیں |
معلومات