| یہ دل حسرتوں کو جو گنتا نہیں تھا |
| سو آتش میں غم کی یہ جلتا نہیں تھا |
| مَرا تو نہیں میں بچھڑنے پہ ان کے |
| مگر یہ بھی زندہ ہوں ، لگتا نہیں تھا |
| لڑی موتیوں کی پروئی تھی، اس پر |
| جَپَا جس کا نام اس کا بنتا نہیں تھا |
| حماقت ہوئی تھی یا غفلت تھی میری |
| بلاتا رہا وہ، میں سنتا نہیں تھا |
| بنے نفرتوں کے پجاری سبھی وہ |
| دلوں میں خدا جن کے بستا نہیں تھا |
| مِرے زخم کانٹوں نے بھرنے دئیے کب |
| میں پھولوں سے خوشبو بھی چنتا نہیں تھا |
| کہوں گا بڑے فخر سے روزِ محشر |
| کہ شیطاں کے قدموں پہ چلتا نہیں تھا |
| میں سائے میں ثاقبؔ رہا اس شجر کی |
| کبھی پھل جو دینے سے رُکتا نہیں تھا |
معلومات