| نام لیتا نہیں ہے بھرنے کا |
| زخم شاید نہیں ہے سلنے کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مُفلسی آئنے میں جھانکتی ہے |
| اِس کو بھی شوق ہے سنورنے کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| دل نے یہ شوق پال رکھا ہے |
| خواب میں سیڑھیاں اترنے کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مت سمیٹو ہمارے ملبے کو |
| بھید پایا ہے اب بکھرنے کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| راستہ کیوں نہیں ملا اب تک |
| اُس حسیں آنکھ میں اترنے کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| وقت شاید ہے تم پہ پھر آیا |
| اپنے وعدوں سے ہی مُکرنے کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| یہ ہے رستہ وفاؤں کا رستہ |
| اب یہ رستہ نہیں بدلنے کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| مجھ کو چھونا ہے ان چراغوں کو |
| یار رستہ تو دو گزرنے کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| موم تھا مَیں پگھل گیا خود ہی |
| میں نے سوچا نہ تھا پگھلنے کا |
| ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ |
| جسم کی قید سے کبھی مانی |
| راستہ تو ملے نکلنے کا |
معلومات