| بن ترے چین سے یہ زیست گزارا کرتے |
| ہم یہاں کیسے اذیت یہ گوارا کرتے |
| موم سمجھے تھے ترے دل کو سو پتھر نکلا |
| پھر بھی ہم تجھ کو یوں شدت سے پکارا کرتے |
| توڑ ڈالا ہے یوں ایقان ہی ورنہ ہم بھی |
| تیری آنکھوں سے ہی دنیا کا نظارا کرتے |
| پوچھیں جوں خواب کی یاں کس نے چکائی قیمت |
| میری جانب ہی ترے لوگ اشارا کرتے |
| کیوں گنا جاتا ہے اب نام خطا کاروں میں |
| اب تو مدت ہوئی دنیا سے کنارا کرتے |
| ہم رہے عمر بھر انجان ہنر سے اپنے |
| خاک کو ہاتھ لگاتے تو ستارا کرتے |
معلومات