| ہے ترا یہ فضل اے میرے خدا |
| نیند سے دیتا ہے تُو خود ہی اُٹھا |
| شکر تیرا مجھ سے کیونکر ہو ادا |
| ہاں دیا ہے عاجزی سے سر جھکا |
| تجھ سے ملتی ہے جو توفیقِ دعا |
| مانگتا ہوں ہر گھڑی تیری رضا |
| تُو ہے رحمان و رحیم و کبریا |
| تیری تعریفوں کی کب ہے انتہا |
| عالمیں کا رب ہے ، مالک ہے مرا |
| سامنے ہوں بن کے میں بندہ کھڑا |
| میری تُو ہی کر مدد میرے خدا |
| سیدھے رستے پر مجھے تُو ہی چلا |
| نعمتوں والا دکھا دے راستہ |
| کچھ غضب تیرا نہ ہو جس پر پڑا |
| تُو بھٹکنے سے مجھے خود ہی بچا |
| میری کر لے تُو قبول اتنی دُعا |
| جو ہے بہتر کر دیا کر وہ عطا |
| در کُھلا پاؤں یونہی تیرا سدا |
معلومات