| مدینے سے خوشبو ہوا ساتھ لائی |
| معطر کرے جو خدا کی خدائی |
| فضائے مدینہ ہے پُر کیف ہر دم |
| یہ نکہت مدینے کو کس نے دلائی |
| لئے آس دل میں مدینے جو آیا |
| ملے دو جہاں میں اسے ہر بھلائی |
| کرم ہیں نبی کے عوامی جہاں پر |
| زہے شیوہ اُن کا ہے مشکل کشائی |
| ملی اُن کو کوثر ہے نصرت کے ہمراہ |
| جو قرآں نے مدحت نبی کی سنائی |
| شفاعت کریں وہ رضائے خدا سے |
| ہے مولا سے اُن کو ملی مصطفائی |
| عداوت عرب میں نسل در نسل تھی |
| خصومت دلوں سے نبی نے مٹائی |
| یہ سوزِ یقیں جو نبی نے دیا ہے |
| دلائے وہ مومن کو دنیا میں شاہی |
| درودوں کے گجرے مدینے جو لایا |
| دہر میں ملی ہے اسے دلربائی |
| اے محمود آقا شہے دو سریٰ ہیں |
| عطائے خدا یہ نبی کی بڑائی |
معلومات